Անմոռուկ ազորյան - Незабудка азорская - Myosotis Azorica

Անմոռուկները միամյա, երկամյա և բազմամյա բույսեր են: Պատկանում են գաղտրիկազգիների ընտանիքին: Առանձնապես գեղեցիկ են մասսայական տնկման դեպքում: Համարվում են ամենաքնքուշ գարնանային բույսերը  իրենց փիրուզի նման նուրբ երկնագույն, սպիտակ և բաց վարդագույն ծաղիկների շնորհիվ: Մեր հանրապետությունում հանդիպում են անմոռուկի բազմաթիվ տեսակներ, որոնք բոլորն էլ գեղեցիկ, բարձր դեկորատիվ  բույսեր են և մեծ ուշադրության են արժանի:

Մշակության մեջ ամենուրեք հանդիպում են անմոռուկի  ճահճային, երկարավուն, ազորյան և ալպիական տեսակները: Ազորյան անմոռուկը  բազմամյա է, սակայն մշակվում է որպես միամյա բույս:

Բարձրությունը հասնում է 30 սմ-ի: Ծաղկում է ամբողջ ամռան ընթացքում:

Անմոռուկ ազորյան - Незабудка азорская - Myosotis Azorica

Ջերմատներում սերմերը ցանում են մարտի սկզբին: Սերմնաբույսերը վերատնկում են արկղերում: Մայիսին վերատնկում են  թաղարներում, իսկ հունիսին արդեն դաշտ են  տեղափոխում: Բազմանում է նաև ինքնացանով: Դա ավելի լավ է կատարվում կիսաստվերոտ վայրերում գտնվող խոնավ, փուխր, սննդանյութերով հարուստ հողերում: Անմոռուկը ամբողջ ամռան ընթացքում առատ ոռոգում է պահանջում: Օգտագործվում է  ծաղկաթմբերի, եզրաշերտերի, ալպինարիաների ձևավորման համար, ինչպես նաև որպես ծաղկաթաղարային կուլտուրա:

Ճահճային  անմոռուկը պիտանի է ծաղկեփնջեր պատրաստելու համար, ընդ որում ծաղիկները ջրի մեջ շատ երկար են պահպանվում:

Գոյություն ունեն անմոռուկի արժեքավոր բազմաթիվ սորտեր:

Հարցեր, պատասխաններ, մեկնաբանություններ